بنت عمر
عدد الرسائل : 735 العمل/الترفيه : التصفح ع النت المزاج : مني فاضيتلكم اكتب مزاجي هههههه تاريخ التسجيل : 04/09/2008
| موضوع: مشاهد مالهاش لزمة << .......... >> الجمعة أكتوبر 17, 2008 4:54 am | |
| فيه أسئلة بديهية مالهاش اي لزمة في الدنيا بنتعرّض ليها كل يوم من كل الناس
خلـونـــا نشــوف أمثلة :
المشهد الأول :
إنت في أوضتك .. على السرير وطافي النور ومتغطي ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟ (( أظن ده مش وضع غناء !!! واضح ان انا هنام ))
المشهد الثاني :
انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتــواااااااااااااااا ؟ (( لا لسه )) والعكس : انت لابس هدومك و متأنتك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه
(( !!! لاء دانا لسه راجع ))
المشهد الثالث :
مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟ يقولك : انت رايح الشغل يابيه ؟
(( لا.. العربية واحشاني ))
المشهد الرابع :
مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟ (( لا.. بتفرّج عليه ))
المشهد الخامس :
مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟ (( تقوم رامي الكتاب و تقوله لااااااااء )) ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟ (( لاء.. هفرطها و أسلقها ))
المشهد السادس :
ولاّ تعالــو شوفو قنواتنا واسئلتهم البديهية البايخة برنامج اهداءات يتصل واحد يطلب أغنيه ترد عليه ست الكتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟
(( لاء.. طالبها اخنق على نفسي ))
المشهد السابع
أو مثلا في العيد
المذيع : هههههه هههههههه هههههه نتعرّف بيك >>> >>المواطن : فلان الفلاني >>> >>المذيع بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه المواطن : أقولهم كل عام وأنتم بخير
(( أكيد يعني مش هيقولهم البقاء لله ))
,,,المذيعة الظريفـة : وياترى بقى هتعملوا ايه العيد ده هتقضوه ازاي ؟ أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين
(( سبتيله ايه يقوله يا رخمة ؟ ))
المشهد الثامن :
والأسخف بقى ... الشلل الكبير.. لما المذيعين يكلّموا الاطفال يقول المذيع للطفل : إنت بتحب ماما وبابا ؟
(( يعني أساسا الواد لسه ما عرفش حاجة فى الدنيا علشان يقول لأ
من كتاباتي في أحد المنتديات ،،، وعاد بالمصري " وسلامتكم " | |
|
توتة حامضة
عدد الرسائل : 140 العمل/الترفيه : النت المزاج : مستنية ..... تاريخ التسجيل : 22/09/2008
| موضوع: رد: مشاهد مالهاش لزمة << .......... >> السبت أكتوبر 18, 2008 1:35 pm | |
| هههههههههههههههههههههههههههههههههههه
فيري نايس
يسلموو | |
|
بنت عمر
عدد الرسائل : 735 العمل/الترفيه : التصفح ع النت المزاج : مني فاضيتلكم اكتب مزاجي هههههه تاريخ التسجيل : 04/09/2008
| موضوع: رد: مشاهد مالهاش لزمة << .......... >> الأربعاء أكتوبر 29, 2008 6:36 am | |
| | |
|